காதல் கவிதைகள்

கஞ்சன்
மேடையில் பேசும்போது
வள்ளலாக வார்த்தைகளை தந்துவிட்டு
உன்னிடம் பேசும்போது மட்டும்
கஞ்சனாக மாறிவிடுகிறது
என் தாய்மொழி!




காய்ச்சல்
மழையில் நனையாதே
காய்ச்சல் வந்துவிடும் என்றேன்
‘எனக்கா’ என்றாய் ஆவலாய்
இல்லை மழைக்கு!

பூப்பெய்திய நட்பூ
நேற்றுவரை சிறுவர்களாய்
இருந்தநாம் பெரியவர்களானோம்
உன் தாயின் சேலைகிழித்து
நீ அணிந்து வந்தாய்
என் தந்தையின் வேஷ்டிகிழித்து
நான் அணிந்து வந்தேன்
வழக்கமாய் விளையாடும் தோப்பில்
நெடுநேரம் மௌனமாய் இருந்தபோது
நம்நட்பும் வந்தது காதலாக
நம்மைபோலவேப் பூப்பெய்தி