புரட்சி துறவியொருவன்
படைத்திட்ட பாவையடி !
மிரட்சி நீங்காமல்
பார்வைகள் நிற்குதடி !
கற்புக்கரசி கண்ணகியென
கத்துக்குட்டிகள் பிதற்றுதடி !
கண்ணகி கற்புள்ளவள்தான்
கற்புக்கரசி நீதானடி !
உயர்குலத்தில் பிறந்துவளர்ந்து
உயிர்கற்பு காத்த்தில் !
வியப்பொன்றும் இல்லை
விந்தையொன்றும் இல்லை !
பரத்தையர்குலத்தில் பிறந்துவளர்ந்து
பத்தினியாய் நீபோராடியதில்தான்
இருக்கிறது சிறப்பு !
இதற்கில்லை மறுப்பு !
உடல்விற்கும் சந்தைதனில்
உள்ளம்விற்ற மங்கைநீ !
கவலைகள் பலவிருந்தும்
கலைகள்கற்ற கங்கைநீ !
கண்ணகி கற்புடையவள்தான்
காதலுற்ற பெண்ணில்லை !
கணவனை வழிபட்டவள்தான்
அவன்மீது விழியிடவில்லை !
எரித்தாள் கொற்றவனை
ஏற்றமிகு மதுரையுடன் !
தடம்தவறி சென்றவனை
தடுக்கவில்லை காதலுடன் !
மனையில் காட்டாவீரம்
மதுரையில் காட்டியென்னபயன் !
உரியவனுக்கு காட்டாகாதல்
ஊருக்கு காட்டியென்னபயன் !
மன்னித்துவிடு அன்னையே
மாண்பில்லை உன்னவனுக்கு !
இருவிடத்தும் உள்ளகாதல்
தெரியவில்லை தென்னவனுக்கு !
மணிமேகலையை பெற்றதனால்
மனம்கமழும் உன்பொற்பை !
போராடிப் பெற்றதனால்
பார்புகழும் உன்கற்பை !
இல்லறம் துறந்து
பூண்டாய் காவி !
தர்மத்தால் உலகை
ஆண்டாய் தேவி !
- அன்புடன் ஜகதீஸ்வரன்
Social Profiles
பிரபலமான இடுகைகள்
-
ஒவ்வொரு நாளும் ஒழுக்கம் என்பதன் இலக்கணம் மாறப் படுகிறது! மீறப் படுகிறது!! நாளை எவரேனும் முன்வரலாம் திருக்குறளில் ஒழுக்கத்தின் குறள்களை நீக்க... -
காமம் குறிப்பு - காதல் போல காமமும் ஒரு உணர்ச்சிதான்.வள்ளுவனே பாட்டெழுதி அங்கிகாரம் கொடுத்துவிட்டான்.அதன்பிறகு நமக்கேன் தயக்கம். தொ...
-
ஒற்றை சிவப்பு ரோஜாவை கையில் வைத்துக் கொண்டு பூ பிடித்திருக்கின்றதா என்றாய் ஆம் ரோஜாவை ஒரு பூ பிடித்திருக்கின்றது என்றேன். வெட்கத்தால் நீ சிவ... -
உடல் சாரா கவிதைகள்- இந்தக் கவிதைகளை எந்த தலைப்பின் கீழ் வரிசைப்படுத்துவது என தெரியாமல் நான் விழித்த போது தோன்றியது தான் உடல் சாரா கவிதைகள் எ... -
காதலில் மட்டும் தான் தோல்வியின் வலிகளும் மிக அழகாக இருக்கும்.அந்த உணர்ச்சிகளின் கொந்தளிப்பில் உருவான அற்புதக் கவிதைகள் இவைகள். காதல் தோல்வி ...
-
பெரியதாக பார்க்க படத்தின் மீது சொடுக்கவும். படக் கவிதையாக காதல் கவிதைகளை மட்டும் உருவாக்கியிருந்தேன், அவற்றிக்கு நண்பர்கள் மத்தியில் நல்ல வர... -
வெண்தோல் வேண்டி வேண்டாத களிம்பு தடவி! வெளியில் செல்லாமல் வெயிலில் துள்ளாமல்! அறைக்குள் முடங்கி ஆடைக்குள் உறக்கியது போதும்! உண்...
0 கருத்துகள்:
கருத்துரையிடுக
என் கவிதைகள் படித்ததும் உங்கள் உள்ளம் சொன்னது என்ன? எனக்கும் சொல்லிச் செல்லுங்கள் நண்பர்களே!